Pravind Jugnauth: «Sans pitié dans mon combat contre la drogue »



«Mon combat contre la drogue sera sans pitié.» C’est l’engagement pris par le Premier ministre, Pravind Jugnauth, dans son discours adressé à la nation ce dimanche 12 mars dans le cadre de la célébration de la fête de l’Indépendance et de l’accession de Maurice au statut de République. Il a fait référence à la saisie record de 135 kg de drogue au port. «Il y aura des résultats concrets», constate le chef le gouvernement.

Son discours était axé sur plusieurs thèmes. Sur le plan économique, Pravind Jugnauth, qui détient également le portefeuille des finances, maintient que l’inflation est à son niveau le plus bas depuis 30 ans alors que la réserve en devises étrangères est de 52 milliards de dollars depuis 2014. «Nous sommes confiant pour l’avenir.»

Par ailleurs, le chef du gouvernement a expliqué aux Mauriciens l’importance du projet Metro Express. «Le problème de trafic nous coûte Rs 4 milliards par an. Le Metro Express créera 7 000 emplois et occasionnera la croissance», maintient-il.

Autre thème abordé par le Premier ministre, la protection de l’environnement. Il dit avoir constaté qu’il y a des individus «byen indisipliné lor zet salté. Mo lans enn lapel a tou bann Morisiens : respekté nou péi, respekté nou lanvironman».

Voici l’intégralité de son discours:

49EME ANNIVERSAIRE DE L’INDEPENDENCE ET 25EME ANNIVERSAIRE DE LA REPUBLIQUE

MESSAGE A LA NATION DE  L’HONORABLE PRAVIND KUMAR JUGNAUTH PREMIER MINISTRE

DIMANCHE 12 MARS 2017

Mo bann frer ek soeur bonsoir.

Mo souhaite ou ki dan Moris, dan Rodrigues ek dan bann zil enn bonne fete l’independance ek la Republique. Mo pa bliyer tous bann Morisiens ki pe feter a travers le monde.

Azordi c’est nou fete National.

49 jours de cela mo ti vinn divan zot pou premier fois kouma Premier Ministre. Zordi, ankor enn fois, c’est enn grand l’honneur ki mo vinn celebrer 49 ans l’indepandance nou pays ensam avec zot. Nou pe ousi celebrer  25 ans nou Republique.

Li important ki mo pran enn moment pou mo koz lor signification nou l’independance. 49 ans de cela, parski zot ti croire dan nou lavenir, nou bann grand dimounn finn pran zot destin dan zot lame. Non selman zot ti envi dibout lor zot propre lipied mais zot ti oussi oule ki nou pays developer et ki tou zot bann zanfan kontigne partaz bann valer ki zot ti ena. Sa ti demann kouraz ek determination et nou bizin ranne zot homage pou saki zot finn fer.

Zordi 49 ans pli tard, c’est meme courage ek mem determination ki nou bizin ena pou faire nou pays contigne avancer.

Pendant sa 49 ans la, tou pa finn facile. Nou finn tomber lever. Mais nou finn tout le temps kapav mette nou difference de koter pou faire nou pays avancer. Parski nou tou Morisiens nou ena enn zafer en commun : nou kontan nou pays.

Mais parfois,  nou bliyer ki bann bon zafer ki ena dans nou pays :

Nou ena la chance vivre dans enn zoli pays ;

Boukou dimounn envier nou climat;

Lekol ek la sante gratuit

Nou encore  vivre dans solidarite ek fraternite;

Nou ena la paix ek l’harmonie.

Pas tou pays ki kapav dire meme zafer!

Sa pas vedir ki nou bizin arette lamem.

Mo ti dire ou dans mo premier messaz, le 23 Janvier 2017, ki mo mission c’est construire enn Republique akot nou tou vivre en securite ; kot sak dimounn pou gagne l’opportunite faire progres .

Mo confiant ki ensam nou pou kapav faire  li. Mais pou ki nou reussi faire li, foder ki mo vision vinn ou vision.

Laisse mo explique ou mo vision.

Mo vision, c’est enn l’ile Moris arc en ciel, ek solidaire;

Kot bann communautés  travaille lame dan lame;

Kot tou dimounn gagne meme chance dan enn pays kot nou vivre en paix ;

Kot nou l’environnement propre ek durable ;

Kot nou population en bonne sante

Kot nou bannes madames ek bann tifi traité avec respect.

Nou, au niveau Gouvernement, nou pou assuré ki bann madame gagne bann opportunité pou partisip pleinement dan développement nou pays à tous les niveaux.

Mo vision, c’est oussi enn pays kot nou bann zenn gagn enn l’education ki permette zot développe zot talent.

Mo vision li aussi basé lor bann valeur ki mo finn gagner depi mo l’enfance.

Mo sur nou partaz meme valer.

Akoz samem nou tou bizin travay ensam. Sa l’ambition ki nou ena pou nou pays-la, ena enn sel maniere pou ki li vinn realite: nou bizin ena  discipline  et nou bizin faire zeffort dans tout domaine.

Premier domaine dans lequel nou bizin contigne faire zeffort c’est L’ECONOMIE.

Depi 1 an, bann indicater economique pe montrer ki nou pe progresser;

Chomage pe baisser;

L’inflation zamer finn aussi bas depi 30 ans;

Niveau confiance bann operateurs economique finn bien remonter;

Nou reserve en devise etrangere finn augmenter par Rs 52 millards depi Decembre 2014.

Tout bannes indikater pe montrer ki nou l’economie pe vinn pli fort.

Nou ena boukou raisons pou nou optimiste kan nou guette l’avenir.

Selman, foder ki nou contigne nou zeffort. Surtou ki Moris pe faire face banne grands defis au niveau international.

Nou plan c’est contigne grandi nou l’espace economique a travers development nou la mer ek nou strategie Afriquain. Kouma zot koner ena enn delegation ki finn accompagne nou invite d’honneur, Vice-President Ghaneen, Dr. Bawumia, pou discute bann projets. La semaine dernier nou ti recevoir enn delegation depi Cote d’Ivoire.

Development l’informatique ausii enn maillon important dans nou plan. Nou pe  travaille pou faire ki li amenn plis l’opportunite pou nou bann zenn et sa pou permette nou vinn pli competitif lors scene mondial.

Enn de pli grand transformation de nou l’economie, li pou dan sekter transport.

Nou tou plaigner kan nou bloker dan traffic.Pendant plis ki 25 ans finn etudier probleme traffic dan Moris. Boukou koze finn koze. Nous nou  finn decide pou azir. Vendredi dernier le 10 mars 2017, nou finn lance Projet Metro Express. Non seulement sa projet-la pou contribier pou resoudre probleme traffic ki pe coute nou Rs 4 millard tous les ans,  mais Metro Express pou oussi creer environ 7000 emplois. Li pou oussi  permette ene croissance economique

parski pou ena bann nouvo business autour bannes differents l’endroits akot Metro pou aretter.

Pou ena oussi boukou l’investissement dan bann projets construction la route, le port ek autour l’aeroport.

Deuxieme domaine dan lekel nou bizin kontigne nou zeffor c’est l’education. Nou tou konner ki nou pli grand resource c’est nou dimoun. C’est akoz samem ki mo gouvernman finn decide pou aboli CPE. C’est pas zis enn l’examen ki nou finn aboli. Nou finn aboli enn system ki ti pe mette l’emphase zis lor rezilta ki enn zanfan 11ans ti pe kapav amene. Nou finn decide amene enn system ki mette nou lor meme niveau ki bann pays ki avancer dans l’education.  9-year schooling li baser lor develoment naturel enn zanfan.  Sak zanfan different. L’education ki donner dans lekol bizin respekte sa difference la. Samem ki nou apel L’education Holistic. Nou convaincu ki avec 9 year  schooling,enn zenfan  pou plis armer pou faire face bannes defis nou societe.

Sport li aussi bien important pou developent ene zenfan. La, nou finn coumance enn program natation scolaire dans 25 lekol. Pli divant, nou pou met sa program-ladan to u bann lekol primaire. Sa programme la li aussi important parski kan ou vivre lor ene l’ile li essentiel ki ou konne nager.

Mo ena enn message en particulier pou la jeunesse. Mo ena confiance dans zot.  Le monde dans lekel zot pe vivre offert boukou possibilites : ena ki bon pou zot, ena ki pa bon pou zot. En tant ki ene parent mo kompran ki parfois zot napa trop konner ki decision pou pran. Mais mo pe dimane zot pran le temps reflechi pou zot faire bann bon choix. Trouve enn loisir ki pou permette zot grandi sainement. Profite bann l’oportunite ki nou pe develope pou zot : ki li dan l’education, dans sport, dans la culture et dans tou lezot domaine.

C’est zot ki pou pran la releve demain.

Troisieme domaine dan lekel nou bizin faire zefor c’est l’environnement. Moris enn zoli pays mais li pas pou reste zoli si nou tou pas prend nou responsabilite. Mo finn met enn comite interministeriel ki ena responsabilite non selman veiller a ce qui nou pays propre mais aussi pou embelli nou pays. La semaine derniere, mo finn lance campagne « Moris mo zoli pei » par nettoyage mo propre quartier. Sa finn permette moi constater ki bannes dimounes bien indiscipline lor zette salter.  Mo lance enn l’appel a tous bannes Morisiens : respecter nou pays, respecter nou l’environnent. Prend zot responsabilite. Nettoye autour zotte et pas sali lezotte place.  Li plis facile pas zetter ki ramasser.

Kan nou koz l’environnment, c’est pas zis nettoyage ek garde propre. L’environnment c’est aussi enn l’heritaz ki nou pou laisse pou nou bannes zenfans. C’est akoz sa meme ki nou koz sustainability. Sa ve dire ki chaque fois ki nou faire enn action nou bizin pense nou zanfan. Meme pli tipti action ena enn l’impact. Donc mo encourage zot pou prend bann bon l’habitude pou preserve nou l’environnment. Mo encourage zot oussi servi tous bann moyens ki tou bann services publiques offert pou protege l’environnement.

Mais de lot koté, enn pays propre ek sain, li oussi enn pays kot ou éna enn système law and order efficace, kot péna la drogue et criminalité.

Mo combat contre la drogue li pou san pitie. D’ailleurs, ou pe trouve resultat a travers banne gros saisi ki pe faire, couma sa saisi record 135 Kg  heroine ki vaut plis ki 2.5 milliard roupie.

Mo assure ou ki mo combat contre la drogue pou donne encore banne resultat concret.

Dans tous sa bann developments ki nou pe faire la, foder pas nou bliyer bannes compatriotes ki pa finn gagne meme chance ki tou lezot. Mo croire profondement ki bizin enn balance entre bannes l’objectifs economiques ek bannes l’objectif social.

Kan nou l’economie rapporter, tous dimounn bizin gagne enn part ladans. Se enn condition pou lapaix social. C’est pou sa  ki nou finn fer enn Marshall plan contre la pauvrete.  Mo reve c’est ki nou tou pran conscience ki combat contre la pauvrete li pa zis economique ; li passe oussi par enn sanzman dan nou mentalite ek dan nou regard.

Azordi, pou l’anniversaire nou pays, laisse nou rappel kifer nou fier nou Morisien et ki l’heritage nou envi laisse pou nou bann zenfans.

Freres ek sœurs Morisiens,

Nou diversite culturel li enn richesse extraordinaire ek enn l’example pou le monde.  Mo fier kan mo passe dan n’importe ki la ville ou village et ki mo trouve dimounn tou race, tou religion, tou lorigine ki pe vivre en harmonie.

Capacité ki nou éna pou faire face difficultés finn permette nou survivre ek prosperer kan certains ti predire la veille l’independance ki nou l’economie pou couler.

Laisse nou travaille ensam, LAME DAN LAME, pou nou contigne prosperer et ki nou ranne l’avenir nou zenfan meilleur.

Mo bannes frer ek ser Morisiens, mo souhaite zot tou enn bonne fête national 2017.

Vive  la République de Maurice.

Merci.

 

 

Posted by on Mar 13 2017. Filed under Actualités, En Direct, Featured. You can follow any responses to this entry through the RSS 2.0. You can leave a response or trackback to this entry

Leave a Reply

Search Archive

Search by Date
Search by Category
Search with Google

Photo Gallery

Copyright © 2011-2016 Minority Voice. All rights reserved.