Ministere collectivite locale, gestion catastrophes ek risques…



Ministere collectivite locale fine remarquer ki, ces derniers temps, boukou dimoune ape profite lokazion pendant confinement pou fer nettoyage dans lakaz et tire bane gros salte encombrants kuma, entrvie matelas, frizidere, l’armoire, masine laver et pe met sa lor chemin ou dans bane place piblik pou camion salte ramasser.

Alors, ministere ape attire l’attention piblik ki bane services ramassage salte ki minispalite ek districk council pe donner pendant sa periode confinement la li concerne uniquement bane dechets menagers et non pas bane gros salte encombrants kuma fine mentionner lahaut.

Bane services ramassage salte ki minispalite ek districk council pe donner pendant sa periode confinement li pe fer lor enn base minimale (1 sel fois par semaine) et li pou retourne a la normale kuma confinement fini.

Ministere ape fer enn l’appel a la population pou ki zot vine plis responsab et arrete tire bane salte encombrant met lor chemin. Camion salte pas pou ramasse sa bane kaliter salte la.

Minister ape compte lor collaboration tou dimoune ek zot comprehension lor sa sujet la.

Posted by on Apr 15 2020. Filed under Actualités, Faits Divers, Société. You can follow any responses to this entry through the RSS 2.0. You can leave a response or trackback to this entry

Leave a Reply

Search Archive

Search by Date
Search by Category
Search with Google

Photo Gallery

Copyright © 2011-2016 Minority Voice. All rights reserved.