Message de fin d’année de Pravind Kumar Jugnauth: “Mo pli grand satisfaction, c’est ki, encore ene fois, démocratie finne primer..”

L’ancien Premier ministre Pravind Kumar Jugnauth a adressé son message de vœux du nouvel an à la population, ce mercredi 1er janvier 2025. Sur sa page facebook, le leader du MSM dit avoir prié pour le bien-être du peuple. « Mo sir ki pas ziss mo tou seul ki finn souhaite ki nou pei ek nou popylasyon conn enkor plis byen-être. Moi, mo pou touzour contine travay dan sa but la, dan n’importe ki capasite », a-t-il écrit.

Voici le message complet:-

Chères mauriciennes, chers mauriciens,

Azordi le 1er janvier, c’est ene l’occasion spéciale kot mo ti envi adresse zotte ces quelques mots.

Le 10 novembre dernier, zot ine voter pou l’avenir nou pays et zot ine faire ene choix clair et net. Ca verdict la, mo finne accepter li et message ki zot finne passer à travers zot vote, mo finne comprend li.

Mo ene dimoune bien simple, jamais mone laisse ego dicter mo banne actions et mo pou tou lé temps éna ça principe la. C’est pou ça ki mo finne accepter rézilta élection avec dignité.

Mo pli grand satisfaction, c’est ki, encore ene fois, démocratie finne primer.

Mo saluer Commission électorale, Electoral Supervisory Commission et banne madames et missié fonctionnaires. Zot finne travail dans banne conditions bien difficiles et zotte finne faire zot devoir d’ene façon exemplaire.

Azordi, boukou d’entre nous finne commence la journée avec la prière. Mo sire ki pas ziss mo tou seul ki finne souhaite ki nou pays ek nou population conne encore plis bien-être. Moi, mo pou toujours contigne travail dans ça but la, dans n’importe ki capacité.

Mo aussi éna ene pensée spéciale pou nou banne compatriotes à Agalega ki pé passe par banne moments bien difficiles.

À tou nou banne compatriotes à travers nou République et à travers le monde, mo souhaite zotte ene bonne année 2025 et surtout bonne santé.

Posted by Minority Voice on Jan 2 2025. Filed under Actualités, Economie, En Direct, Featured, Opinion, Politique. You can follow any responses to this entry through the RSS 2.0. You can leave a response or trackback to this entry